Bëhu shofer në RruGO
Udhëton shpesh me ulëse të lira? Ndaji me pasagjerë të verifikuar që shkojnë në të njëjtin drejtim dhe ndaj koston e karburantit. RruGO nuk merr komision: çdo euro që paguajnë pasagjerët mbetet te ti.
Ndaj koston, pa komision
Pasagjerët të paguajnë direkt me para në dorë. Ne nuk mbajmë asgjë nga udhëtimi.
Ti vendos gjithçka
Ora, çmimi për ulëse, numri i vendeve dhe preferencat (duhan, muzikë, kafshë). Zgjedh rezervim të menjëhershëm ose aprovim manual.
Pasagjerë të verifikuar
Çdo përdorues e verifikon identitetin, dhe pas udhëtimit vlerësoni njëri-tjetrin.
Pa e dhënë numrin
Merreni vesh për pikën e takimit me mesazhe në aplikacion.
Sa kthen nga karburanti?
Llogaritje e përafërt për të vendosur një çmim të drejtë për ulëse. Ndrysho vlerat sipas makinës dhe çmimit aktual të karburantit.
Çmimi për ulëse e ndan koston e karburantit mes teje dhe pasagjerëve. Je ti që e vendos çmimin përfundimtar në aplikacion.
Si funksionon për shoferët
- Posto udhëtiminKliko "Posto udhëtim": qyteti i nisjes, destinacioni, data dhe ora, çmimi për ulëse dhe numri i vendeve (1 deri në 7).
- Prano rezervimetKur pasagjerët kërkojnë vend, të vjen njoftim. Prano ose refuzo, ose lejo rezervimin e menjëhershëm.
- TakohuniMerreni vesh për pikën e takimit me mesazhe në aplikacion. Pasagjerët të paguajnë me para në dorë.
- Përfundo dhe vlerësoPas udhëtimit shënoje si të kryer. Vlerësimet e mira të ndihmojnë të mbushësh ulëset më shpejt herën tjetër.
Çfarë kërkojmë nga shoferët
- Patentë të vlefshme dhe sigurim të detyrueshëm të makinës.
- Të respektosh çmimin e postuar, pa kërkuar pagesa shtesë.
- Të njoftosh pasagjerët me kohë nëse e anulon udhëtimin.
- Të respektosh rregullat e trafikut gjatë gjithë udhëtimit.
Pyetje nga shoferët
A merr RruGO komision?
Jo. Pasagjerët të paguajnë direkt ty, dhe RruGO nuk mban asgjë nga çmimi i udhëtimit.
Si paguhem?
Me para në dorë nga pasagjerët gjatë udhëtimit. Çmimi është ai që ke postuar dhe pasagjerët e shohin para se të rezervojnë.
A mund t'i zgjedh pasagjerët?
Po. Mund të zgjedhësh aprovim manual dhe ta shohësh profilin dhe vlerësimet e secilit para se ta pranosh.
A mund të postoj udhëtime jashtë Kosovës?
Po. Në aplikacion ka qytete edhe në Shqipëri, Maqedoni të Veriut dhe Mal të Zi, p.sh. Prishtinë → Tiranë ose Prishtinë → Shkup.
Gati për udhëtimin e parë?
Shkarko RruGO, verifiko profilin dhe posto udhëtimin tënd të radhës. Zgjat më pak se një minutë.